Akta sjóðir hf. hafa tekið upp nafnið Akta eignastýring hf. Nafnabreytingin endurspeglar aukna breidd í starfsemi félagsins og áherslu þess á bæði sjóða- og eignastýringu.

‍

Félagið var stofnað árið 2013 utan um rekstur sjóða en frá árinu 2023 hefur jafnframt verið byggt upp eignastýringarsvið. Aukið þjónustuframboð hefur mælst vel fyrir og starfsemi félagsins vaxið á undanförnum misserum. Heildareignir í stýringu Akta námu um 62 mö.kr. í lok júní 2026, samanborið við 35,7 ma.kr. ári áður.

‍

Viðskiptavinir Akta eru fjölbreyttur hópur einstaklinga, fyrirtækja og stofnanafjárfesta. Félagið er að meirihluta í eigu starfsmanna og nýtur þeirrar sérstöðu að vera óháður aðili á íslenskum fjármálamarkaði, með reynslumikið starfsfólk og skýra áherslu á virka eigna- og sjóðastýringu.

‍